នារាត្រីថ្ងៃពុធ ៤កើត ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី០៩ ខែមករា ឆ្នាំ២០១៩ វេលាម៉ោង ១៩:០០ ម៉ោងនៅប្រទេសបែលហ្ស៊ិក គណៈប្រតិភូសមាជិកព្រឹទ្ធសភាកម្ពុជា ដឹកនាំដោយ ឯកឧត្តម ជា ជេដ្ឋ ប្រធានគណៈកម្មការទី២ព្រឹទ្ធសភា និងជាប្រធានក្រុមមិត្តភាពសមាជិកព្រឹទ្ធសភាកម្ពុជា ជាមួយសភាសហព័ន្ធវ៉ាល់ឡូនីព្រុចសែល (PFWB) នៃប្រទេសបែលហ្ស៊ិក បានអញ្ជើញចូលរួមពិធីលៀងសាយភោជនដែលរៀបចំដោយ ឯកឧត្តម Philippe COURARD ប្រធាន PFWB នៅគេហដ្ឋានរបស់ឯកឧត្តមប្រធានស្ថិតនៅខេត្តលុចសំបួ នៃប្រទេសបែលហ្ស៊ិក។
