នារសៀលថ្ងៃសុក្រ ៦កើត ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី១១ ខែមករា ឆ្នាំ២០១៩ វេលាម៉ោង ១៤:០០ ម៉ោងនៅប្រទេសបែលហ្ស៊ិក គណៈប្រតិភូសមាជិកព្រឹទ្ធសភាកម្ពុជា ដឹកនាំដោយ ឯកឧត្តម ជា ជេដ្ឋ ប្រធានគណៈកម្មការទី២ព្រឹទ្ធសភា និងជាប្រធានក្រុមមិត្តភាពសមាជិកព្រឹទ្ធសភាកម្ពុជា ជាមួយសភាសហព័ន្ធវ៉ាល់ឡូនីព្រុចសែល (PFWB) នៃប្រទេសបែលហ្ស៊ិក អមដំណើរដោយ ឯកឧត្តម Philippe COURARD ប្រធាន PFWB និងសហការី បានអញ្ជើញបំពេញទស្សនកិច្ចនៅសាលាអប់រំពិសេសសម្រាប់នីតិសម្បទាកុមារពិការនៅខេត្តលុចសំបួ នៃប្រទេសបែលហ្ស៊ិក។ បន្ទាប់ពីបានបំពេញទស្សនកិច្ចរួចមក គណៈប្រតិភូបានវិលត្រឡប់មកកាន់ទីក្រុងព្រុចសែលវិញ។
