នាព្រឹកថ្ងៃពុក ១១កើត ខែស្រាពណ៍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី២២ ខែសីហា ឆ្នាំ២០១៨ នៅសាលប្រជុំគណៈកម្មការទី២ព្រឹទ្ធសភា គណៈប្រតិភូក្រុមសភាជាតិកម្ពុជា (APF) បានបើកកិច្ចប្រជុំ ក្រោមអធិបតិភាព ឯកឧត្តម ជា ជេដ្ឋ ប្រធានគណៈប្រតិភូ និងជាប្រធានគណៈកម្មការទី២ព្រឹទ្ធសភា ដើម្បីពិនិត្យ និងពិភាក្សា អំពីការត្រៀមរៀបចំពិធីធ្វើបទបង្ហាញអំពីលទ្ធផលនៃការចូលរួមមហាសន្និបាតពេញអង្គលើកទី៤៤ នៃសភា (APF) ដែលបានប្រព្រឹត្តទៅកាលពីថ្ងៃទី០៥ ដល់ថ្ងៃទី១០ ខែកក្កដា ឆ្នាំ២០១៨ នាពេលកន្លងទៅនេះ នៅសភាកេបិច ប្រទេសកាណាដា។
