នាព្រឹកថ្ងៃព្រហស្បតិ៍ ២រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៣១ ខែឧសភា ឆ្នាំ២០១៨ ឯកឧត្តម ជា ជេដ្ឋ ប្រធានគណៈប្រតិភូព្រឹទ្ធសភាកម្ពុជា នៃមហាសន្និបាតលើកទី៤៤ របស់សភានិយាយភាសាបារាំង (APF) បានជួបពិភាក្សាការងារជាមួយ ឯកឧត្តម ម៉ុម ជឹមហុ៊យ ប្រធានក្រុមសមាជិកព្រឹទ្ធសភាទទួលបន្ទុកកិច្ចការសភានិយាយភាសាបារាំង (APF) ដើម្បីត្រៀមចូលរួមមហាសន្និបាតលើកទី៤៤ របស់សភាប្រើប្រាស់ភាសាបារាំង (APF) នៅរដ្ឋសភាកេបិច នៃប្រទេសកាណាដា ដែលនឹងប្រព្រឹត្តទៅចាប់ពីថ្ងៃទី០៥ ដល់ទី១២ ខែកក្កដា ឆ្នាំ២០១៨ ខាងមុខនេះ ។
