ឯកឧត្តម ជា ជេដ្ឋ សមាជិកព្រឹទ្ធសភា នីតិកាលទី៤ បានអញ្ជើញផ្តល់បទសម្ភាសន៍ដល់ស្ថានីយ៍ទូរទស្សន៍បាយ័ន ស្តីពី តួនាទី ភារកិច្ចព្រឹទ្ធសភា និងសមិទ្ធផលសំខាន់ៗរបស់ព្រឹទ្ធសភារយៈពេលបីនីតិកាលកន្លងទៅ

   ថ្ងៃទី 30 ខែមេសា ឆ្នាំ2024

នារាត្រីថ្ងៃចន្ទ ៩កើត ខែពិសាខ ឆ្នាំច សំរឹទ្ធិស័ក ព.ស.២៥៦១ ត្រូវនឹងថ្ងៃទី២៣ ខែមេសា ឆ្នាំ២០១៨ វេលាម៉ោង ២១:០០ នាទី ឯកឧត្តម ជា ជេដ្ឋ សមាជិកព្រឹទ្ធសភា នីតិកាលទី៤ បានអញ្ជើញផ្តល់បទសម្ភាសន៍ដល់ស្ថានីយ៍ទូរទស្សន៍បាយ័ន ស្តីពី តួនាទី ភារកិច្ចព្រឹទ្ធសភា និងសមិទ្ធផលសំខាន់ៗរបស់ព្រឹទ្ធសភារយៈពេលបីនីតិកាលកន្លងទៅ ព្រមទាំងយុទ្ធសាស្រ្ត និងទិសដៅការងារបន្តរបស់ព្រឹទ្ធសភា នីតិកាលទី៤ នៅបន្ទប់ស្ទូឌីយោទូរទស្សន៍បាយ័ន។

សូមជម្រាបថា ព្រឹទ្ធសភានីតិកាលទី៤ បានបើកសម័យប្រជុំដំបូង កាលពីព្រឹកថ្ងៃទី២៣ ខែមេសា ឆ្នាំ២០១៨ នៅវិមានព្រឹទ្ធសភា បន្ទាប់ពីការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៤ កាលពីថ្ងៃទី២៥ ខែកុម្ភៈ ឆ្នាំ២០១៨ កន្លងទៅនេះ៕

---