នារាត្រីថ្ងៃអង្គារ ៤កើត ខែចេត្រ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី២០ ខែមីនា ឆ្នាំ២០១៨ នៅព្រលានយន្តហោះអន្តរជាតិភ្នំពេញ គណៈប្រតិភូព្រឹទ្ធសភាកម្ពុជា ដឹកនាំដោយ ឯកឧត្តម ជា ជេដ្ឋ ប្រធានគណៈកម្មការទី២ព្រឹទ្ធសភា បានអញ្ជើញនិវត្តន៍មកដល់មាតុប្រទេសវិញ បន្ទាប់ពីបានអញ្ជើញចូលរួមសង្កេតការបោះឆ្នោតជ្រើសរើសប្រធានាធិបតី នៃសហព័ន្ធរុស្ស៊ី ដែលបានប្រព្រឹត្តទៅកាលពីថ្ងៃទី១៨ ខែមីនា ឆ្នាំ២០១៨ កន្លងទៅនេះ នៅរដ្ឋធានីមូស្គូ។ អញ្ជើញទទួលបដិសណ្ឋារកិច្ចគណៈប្រតិភូក្នុងឱកាសនេះ រួមមាន ឯកឧត្តម ឈួន ឡេង លេខាធិការគណៈកម្មការទី២ព្រឹទ្ធសភា និងមន្រ្តីជំនួយការ។
