នាព្រឹកថ្ងៃអង្គារ ៥រោច ខែផល្គុន ឆ្នាំរកា ព.ស២៥៦១ ត្រូវនឹងថ្ងៃទី០៦ ខែមីនា ឆ្នាំ២០១៨ នៅសាលប្រជុំគណៈកម្មការទី២ព្រឹទ្ធសភា ឯកឧត្តម ជា ជេដ្ឋ ប្រធានគណៈកម្មការទី២ព្រឹទ្ធសភា ឯកឧត្តម ម៉ាន់ ឈឿន ប្រធានគណៈកម្មការទី៧ព្រឹទ្ធសភា និងមន្រ្តីអមដំណើរ បានអញ្ជើញចូលរួមស្តាប់បទបង្ហាញរបស់អ្នកស្រាវជ្រាវនៃវិទ្យាស្ថានសភាកម្ពុជា (PIC) និងកិច្ចប្រជុំត្រៀម សម្រាប់ដំណើរបេកកម្មចូលរួមជាអ្នក សង្កេតការណ៍ក្នុងការបោះឆ្នោតជ្រើសរើសប្រធានាធិបតីនៃសហព័ន្ធរុស្សី ដែលនឹងប្រព្រឹត្តទៅចាប់ពីថ្ងៃទី១៥ ដល់ទី២០ ខែមីនា ឆ្នាំ២០១៨ ខាងមុខនេះ នៅសហព័ន្ធរុស្សី។
