កាលពីរាត្រីថ្ងៃទី១៧ ខែតុលា ឆ្នាំ២០១៦ នៅភោជនីយដ្ឋាន Open Wine រាជធានីភ្នំពេញ ឯកឧត្តម ជា ជេដ្ឋ អនុប្រធានក្រុមសភាជាតិកម្ពុជានៃសភានិយាយភាសាបារាំង (APF) និងជាប្រធានគណៈកម្មការទី២ព្រឹទ្ធសភា បានអញ្ជើញចូលរួមជាកិត្តិយសក្នុងពិធីពិសាអាហារពេលល្ងាចស្វាគមន៍គណៈប្រតិភូដែលជាវាគ្មិននៃសិក្ខាសាលាសភាស្តីពី «បទពិសោធន៍នៃដំណើរការរៀបចំថវិកា ក្នុងបរិបទនៃប្រទេសនិយាយភាសាបារាំង: ច្បាប់ហិរញ្ញវត្ថុ ថវិកាថ្នាក់ក្រោមជាតិ និងការអនុវត្តថវិកា» ដែលនឹងប្រព្រឹត្តទៅនាថ្ងៃទី១៩-២០ ខែ តុលា ឆ្នាំ ២០១៦ នៅសណ្ឋាគារ Sofitel Phnom Penh។
អញ្ជើញចូលរួមក្នុងឱកាលនេះមាន លោក PEJO Philipe ទីប្រឹក្សាគណៈកម្មការកិច្ចការសភានៃសភានិយាយភាសាបារាំង (APF) លោក SENE Socé អគ្គនាយកវិទ្យាស្ថានយេនឌ័រនៃប្រទេសសេណេហ្គាល់ និង លោក Serge តំណាងស្ថានទូតបារាំងនៅកម្ពុជា។
