នារសៀលថ្ងៃទី២២ ខែមិថុនា ឆ្នាំ២០១៦ គណៈប្រតិភូគណៈកម្មការសេដ្ឋកិច្ច ហិរញ្ញវត្ថុ ធនាគារនិងសវនកម្មនៃព្រឹទ្ធសភា (គណៈកម្មការទី២ព្រឹទ្ធសភា) ដឹកនាំដោយឯកឧត្តម ជា ជេដ្ឋ ប្រធានគណៈកម្មការ បានជួបសំណេះសំណាលជាមួយនឹងលោក នួន សារ៉ន អភិបាលស្រុកពេជ្រាដា ខេត្តមណ្ឌលគីរី ដោយផ្តោតសំខាន់លើការអនុវត្តគោលនយោបាយភូមិ ឃុំ មានសុវត្ថិភាព និងការផ្តល់សេវាសាធារណៈ រួមមាន ការធ្វើអត្តសញ្ញាណប័ណ្ណសញ្ជាតិខ្មែរគំរូថ្មី សៀវភៅស្នាក់នៅ សៀវភៅគ្រួសារ និងអត្រានុកូលដ្ឋាន។
