គណៈប្រតិភូសមាជិកព្រឹទ្ធសភាកម្ពុជា ជួបសន្ទនាការងារជាមួយលោកស្រីIsabelle VUGHT-PION
ថ្ងៃទី 12 ខែវិច្ឆិការ ឆ្នាំ2024
កាលពីថ្ងៃត្រង់ទី ០៤ ខែ វិច្ឆិកា ឆ្នាំ ២០១៥ នៅវិមានព្រឹទ្ធសភាបារាំង គណៈប្រតិភូសមាជិកព្រឹទ្ធសភាកម្ពុជា ដឹកនាំដោយឯកឧត្តម ជា ជេដ្ឋសមាជិកគណៈកម្មាធិការអចិន្រ្តៃយ៍ព្រឹទ្ធសភា និងជាប្រធានគណៈកម្មការទី២ព្រឹទ្ធសភាបានជួបសន្ទនាការងារជាមួយ លោកស្រី Isabelle VUGHT-PION ទីប្រឹក្សាជាន់ខ្ពស់ទទួលបន្ទុកកិច្ចការនីតិកម្ម និងត្រួតពិនិត្យ ក្រោមប្រធានបទ ហិរញ្ញវត្ថុថ្នាក់ក្រោមជាតិ ឬហិរញ្ញវត្ថុមូលដ្ឋាន។
ហិរញ្ញវត្ថុថ្នាក់ក្រោមជាតិ ឬហិរញ្ញវត្ថុមូលដ្ឋាន គឺមានចែងនៅក្នុងច្បាប់រដ្ឋធម្មនុញ្ញ ដោយ សារពើពន្ធថ្នាក់ក្រោមជាតិ គឺជាសារពើពន្ធសេដ្ឋកិច្ចដោយមានស្វ័យភាពបណ្តើរៗ ដោយថវិកា វិភាជរបស់រដ្ឋមានភាពស្មុគ្រស្មាញ និងមានបរិមាណធ្លាក់ចុះ ហើយការឧបត្ថម្ភធនពីតំបន់ដែលមានធនធានច្រើន ទៅតំបន់ក្រខ្សត់បានធ្វើឡើងតាមខ្សែបណ្តោយ និងខ្សែទទឹងតែនៅមិនទាន់មានសមភាពជាក់ស្តែងនៅឡើយ ហើយការអនុវត្តគោលការណ៍សម្រាប់វិនិយោគ និងកម្ចីនៅថ្នាក់មូលដ្ឋាន ដែលកម្ចីអាចធ្វើបានសម្រាប់តែការវិនិយោគតែប៉ុណ្ណោះ។
សារពើពន្ធថ្នាក់ក្រោមជាតិនឹងដំណើរការបានល្អ និងអាចបម្រើតាមសំណូមពររបស់ថ្នាក់ក្រោម គឺត្រូវការលិខិតបទដ្ឋានគតិយុត្តបន្ថែមទៀត និងត្រូវមានកិច្ចសន្ទនារវាងរដ្ឋ និងសមូហភាពដែនដី ការឧបត្ថម្ភគ្នាទៅវិញទៅមករវាងសហគមន៍ និងសហគមន៍ ព្រមទាំងការវាយតម្លៃគោលនយោបាយសាធារណៈពាក់ព័ន្ធនឹងការវិនិយោគ។
លេខាធិការដ្ឋានអមគណៈកម្មការទី២
អត្ថបទពាក់ព័ន្ធ
