ឯកឧត្តម ជា ជេដ្ឋ សមាជិកគណៈកម្មាធិការអចិន្រ្តៃយ៍ព្រឹទ្ធសភា និងជាប្រធានគណៈកម្មការទី២ព្រឹទ្ធសភា បានដឹកនាំគណៈប្រតិភូសមាជិកព្រឹទ្ធសភាកម្ពុជាបំពេញទស្សនកិច្ចផ្លូវការនៅប្រទេបារាំង និងប្រទេសប៊ែលហ្ស៊ិក កាលពីរាត្រីថ្ងៃទី ៣១ ខែ តុលា ឆ្នាំ ២០១៥ នៅព្រលានយន្តហោះអន្តរជាតិភ្នំពេញ។
គោលបំណងទស្សនកិច្ចនៅប្រទេសបារាំង ដើម្បីសិក្សាឈ្វេងយល់អំពី «សារពើពន្ធនៅតាមសមូហភាពដែនដី និងទំនាក់ទំនងថវិកាថ្នាក់ជាតិ និងថ្នាក់ក្រោមជាតិ»។ ដោយឡែក នៅប្រទេសប៊ែលហ្ស៊ិក ដើម្បីបង្កើនកិច្ចសហប្រតិបត្តិការរវាងអង្គការនីតិប្បញ្ញត្តិនៃប្រទេសទាំងពីរ (ព្រឹទ្ធសភាកម្ពុជា និងសភាប៊ែលហ្ស៊ិក)។
