ឯកឧត្តម ជា ជេដ្ឋ ដឹកនាំគណៈប្រតិភូបំពេញទស្សនកិច្ច នៅអង្គភាពស្រាវជ្រាវនៃរដ្ឋសភាស៊ុយអ៊ែត
ថ្ងៃទី 10 ខែឧសភា ឆ្នាំ2024
នាព្រឹកថ្ងៃទី ០៧ ខែ ឧសភា ឆ្នាំ ២០១៥នៅរដ្ឋសភាស៊ុយអ៊ែត គណៈប្រតិភូសមាជិកសភាកម្ពុជា ដឹកនាំដោយ ឯកឧត្តម ជា ជេដ្ឋ ប្រធានគណៈកម្មការទី២ព្រឹទ្ធសភា ដោយមានការចូលរួមពី លោក គឹមយាតដារ៉ារិទ្ធនាយកប្រតិបត្តិវិទ្យាស្ថានសភាកម្ពុជា(PIC) បានបំពេញទស្សនកិច្ចសិក្សាស្តីពី «គំរូនិងបែបបទនៃដំណើរការរបស់ការិយាល័យថវិកាសភា(PBO)»។
ក្នុងឱកាសនោះគណៈប្រតិភូបានជួបសន្ទនាការងារជាមួយ លោក បណ្ឌិតGunnar Forsប្រធានសេវាស្រាវជ្រាវនៃសភាស៊ុយអ៊ែត និងសហការី រួមមាន លោក Olle Eddesten ប្រធានផ្នែកស្រាវជ្រាវ PBO,លោកស្រី Susanna Kinnmanនិង លោក Jonas Edholmអ្នកស្រាវជ្រាវផ្នែកសេដ្ឋកិច្ច ដើម្បីសិក្សាឈ្វេងយល់អំពីសារៈសំខាន់ និងតួនាទីភារកិច្ចរបស់ការិយាល័យថវិកាសភា(PBO), វិធីសាស្រ្ត និងលទ្ធផលការងារ ព្រមទាំងឧទាហណ៍ជាក់ស្តែងនៃការបំពេញការងារកន្លងមករបស់អង្គភាពសេវាស្រាវជ្រាវក្នុងការជួយគាំទ្រសភាក្នុងការរៀបចំ និងត្រួតពិនិត្យថវិកា។
បន្ទាប់ពីបញ្ចប់ការធ្វើបទបង្ហាញខាងលើ គណៈប្រតិភូសមាជិកសភាបានចូលរួមពិធីពិសាអាហារថ្ងៃត្រង់ការងារ ដែលបានរៀបចំដោយរដ្ឋសភាស៊ុយអែត។
លេខាធិការដ្ឋានអមគណៈកម្មការទី២
អត្ថបទពាក់ព័ន្ធ
