ឯកឧត្តម ជា ជេដ្ឋ ផ្តល់បទសម្ភាសន៍ដល់អ្នកយកព័ត៌មាន Khazar TV
ថ្ងៃទី 1 ខែធ្នូ ឆ្នាំ2024
កាលពីរសៀលថ្ងៃទី ២៧ ខែ វិច្ឆិកា ឆ្នាំ ២០១៤ វេលាម៉ោង ១៤:៣០នាទី នៅសាលប្រជុំ គណៈកម្មការទី២ព្រឹទ្ធសភា ឯកឧត្តម ជា ជេដ្ឋ សមាជិកគណៈកម្មាធិការអចិន្រ្តៃយ៍ និងជាប្រធានគណៈកម្មការទី២ នៃព្រឹទ្ធសភា បានផ្តល់បទសម្ភាសន៍ដល់ លោក Najaf HASANOV អ្នកយកព័ត៌មានទូរទស្សន៍ Khazar TV នៃប្រទេសអាហ្សែប៊ែហ្សង់ (Azerbaijan) ដោយមានការ ចូលរួមពី លោក Hakan ATASEVER នាយកប្រតិបត្តិវិទ្យាស្ថានសន្ទនាមេគង្គ (MDI) និង សហការី ។
ក្នុងឱកាសនោះ ឯកឧត្តម ជា ជេដ្ឋ បានជម្រាបជូនអ្នកយកព័ត៌មានអំពីអង្គការនីតិប្បញ្ញត្តិទាំងពីរនៃប្រទេសកម្ពុជា, ប្រវត្តិ និងមុខងារ សំខាន់ៗទាំងបីរបស់ព្រឹទ្ធសភាកម្ពុជា ព្រមទាំងដំណើរការវិវឌ្ឍន៍របស់ព្រឹទ្ធសភា ជាពិសេសតួនាទី ភារកិច្ច និងសមត្ថកិច្ចរបស់ គណៈកម្មការទី២ព្រឹទ្ធសភា។ លើសពីនេះទៀត ឯកឧត្តមប្រធានក៏បានជម្រាបជូនផងដែរ អំពីស្ថិរភាពនយោបាយ សេដ្ឋកិច្ច សង្គមកិច្ច បរិយាកាសវិនិយោគ ទេសចរណ៍ និងការកាត់បន្ថយភាពក្រីក្រនៅប្រទេស កម្ពុជា ។
លេខាធិការដ្ឋានអមគណៈកម្មការទី២
អត្ថបទពាក់ព័ន្ធ
