ឯកឧត្តម ជា ជេដ្ឋ ដឹកនាំគណៈប្រតិភូគណៈកម្មការទី២ គោរពវិញ្ញាណក្ខន្ធសព ឯកឧត្តម ជ័យ សាផុន
ថ្ងៃទី 24 ខែសីហា ឆ្នាំ2024
កាលពីរសៀលថ្ងៃទី ២២ ខែ សីហា ឆ្នាំ ២០១៤ វេលាម៉ោង ១៦:០០ ឯកឧត្តម ជា ជេដ្ឋ សមាជិកគណៈកម្មាធិការអចិន្រ្តៃយ៍ និងជាប្រធានគណៈកម្មការទី២ នៃព្រឹទ្ធសភា បានដឹកនាំគណៈប្រតិភូគណៈកម្មការទី២ព្រឹទ្ធសភា ចូលរួមគោរពវិញ្ញាណក្ខន្ធសព ឯកឧត្តម ជ័យ សាផុន អតីតសមាជិកព្រឹទ្ធសភា នីតិកាលទី២ ដែលបានទទួលមរណភាព កាលពីថ្ងៃទី ២១ ខែ សីហា ឆ្នាំ ២០១៤ ដោយជរាពាធ ក្នុងជន្មាយុ ៨៤ឆ្នាំ ។ ពិធី គោរពវិញ្ញាណក្ខន្ធបានប្រព្រឹត្តទៅ គេហដ្ឋានលេខ១៥ ផ្លូវលេខ២២៨ សង្កាត់បឹងរាំង ខណ្ឌដូនពេញ រាជធានីភ្នំពេញ (ខាងកើតស្ថានទូតអាមេរិកចាស់) ។
តាងនាមគណៈកម្មការទី២ព្រឹទ្ធសភា និងក្នុងនាម ឯកឧត្តមប្រធាន បានចូលរួមរំលែកទុក្ខដ៏ក្រៀមក្រំនេះ ប្រកបដោយមនោសញ្ចេតនាសោកស្តាយអាឡោះអាល័យជាទីបំផុត ជាមួយក្រុមគ្រួសារសព ឯកឧត្តម ជ័យ សាផុន ព្រមទាំងសូមបួងសួងគោរពចំពោះដួងវិញ្ញាណក្ខន្ធសព សូមបានទៅសោយសុខក្នុងសុគតិភពជានិច្ចនិរន្តតរៀងទៅកុំបីឃ្លៀងឃ្លាតឡើយ ។
(លេខាធិការដ្ឋានអមគណៈកម្មការទី២)
អត្ថបទពាក់ព័ន្ធ
