កាលពី​ព្រឹកថ្ងៃទី២០​​ ខែកុម្ភៈ​ ឆ្នាំ២០១៣ នៅសាលប្រជុំពិសេស វិមានព្រឹទ្ធសភា ឯកឧត្តម​ជា ជេដ្ឋ  ប្រធានគណៈកម្ម​ការសេដ្ឋកិច្ច ហិរញ្ញវត្ថុ​ ធនាគារ និងសវនកម្ម​ ហៅកាត់គណៈកម្ម​ការ ទី២ព្រឹទ្ធសភា​ បានដឹកនាំកិច្ចប្រជុំ​អន្តរ​គណៈកម្មការ​ព្រឹទ្ធសភា​ ជាមួយនឹងឯកឧត្តម ស៊ុយ សែម រដ្ឋមន្ត្រីក្រសួងឧស្សាហកម្ម រ៉ែ និងថាមពល​ និង​ឯកឧត្តម អ៊ុក រ៉ាប៊ុន រដ្ឋមន្ត្រី​ប្រតិភូអម នាយករដ្ឋមន្ត្រី និងជារដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ដើម្បីពិនិត្យ និងពិភាក្សា​លើ សេចក្តីព្រាង​ច្បាប់​ស្តីពី ការអនុម័តយល់ព្រមលើការធានាទូទាត់របស់រាជរដ្ឋាភិបាល ឲ្យក្រុមហ៊ុន ហាយដ្រូ ផៅវ័រ ឡូវើរ សេសាន្ត២ ដោយ​មានការ​អញ្ជើញ​ចូលរួមពីសមាជិក សមាជិកាព្រឹទ្ធសភា ។​