នារសៀលថ្ងៃទី២៨ ខែកញ្ញា ឆ្នាំ២០២១ វេលាម៉ោង ១៥ៈ០០នាទីរសៀល ឯកឧត្តម អ៊ុក គង់ សមាជិកគណៈកម្មការទី៦ ព្រឹទ្ធសភា និងជាសមាជិកនៃក្រុមសមាជិកព្រឹទ្ធសភាទទួលបន្ទុកសហប្រតិបត្តិការជាមួយអន្តរសភា អញ្ជើញចូលរួមកិច្ចប្រជុំសភាពិភពលោកលើកទី១ ស្តីពីការសម្រេចបាននូវគោលដៅអភិវឌ្ឍន៍ប្រកបដោយចីរភាព ក្រោមមូលបទ “ការប្រែក្លាយបញ្ហាប្រឈមការឆ្លងរាលដាលជំងឺកូវីដ-១៩ ទៅជាឱសថសម្រាប់សភាដើម្បីសម្រេចបាននូវគោលដៅអភិវឌ្ឍន៍ប្រកបដោយចីរភាព” តាមប្រព័ន្ធវីដេអូ នៅវិមានរដ្ឋសភា ។ —— កិច្ចប្រជុំខាងលើរៀបចំដោយសហភាពអន្តរសភា(IPU) សហការជាមួយសភានៃសាធារណរដ្ឋឥណ្ឌូនេស៊ី មានរយៈពេលបីថ្ងៃ ចាប់ពីថ្ងៃទី២៨ ដល់ ថ្ងៃទី៣០ ខែកញ្ញា ឆ្នាំ២០២១ ផ្សាយចេញពីទីក្រុងហ្សាកាតា សាធារណរដ្ឋឥណ្ឌូនេស៊ី។
