នាព្រឹកថ្ងៃទី១៩ ខែឧសភា ឆ្នាំ២០២០ ក្រុមសមាជិកព្រឹទ្ធសភាប្រចាំភូមិភាគទី២ បានបើកកិច្ចប្រជុំផ្ទៃក្នុងក្រុម ក្រោមអធិបតីភាព ឯកឧត្ដម អ៊ុក ប៊ុនឈឿន ប្រធានក្រុម ដើម្បីពិនិត្យ ពិភាក្សាលើ៖ ១-សេចក្តីព្រាងរបាយការណ៍សកម្មភាពរបស់ក្រុមសមាជិកព្រឹទ្ធសភាប្រចាំភូមិភាគទី២ ប្រចាំខែឧសភា ឆ្នាំ២០២០ និងរបាយការណ៍អំពីស្ថានភាពថវិការបស់ក្រុមសមាជិកព្រឹទ្ធសភាប្រចាំភូមិភាគទី២ គិតត្រឹមខែឧសភា ឆ្នាំ២០២០។ ២-ផ្សព្វផ្សាយអំពីស្មារតីអង្គប្រជុំរបស់គណៈកម្មការកម្មាធិកាអចិន្ត្រៃយ៍ព្រឹទ្ធសភា នាថ្ងៃទី៤ ខែឧសភា ឆ្នាំ២០២០ ស្តីពីការធ្វើវិចារណកម្មថវិកាលើកទី២ក្នុងច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០២០ និង៣-បញ្ហាផ្សេងៗ នៅសាលប្រជុំគណៈកម្មការទី៦ព្រឹទ្ធសភា៕
