នាព្រឹកថ្ងៃពុធ ៣រោច ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៣ ខែមករា ឆ្នាំ២០១៨ នៅសាលប្រជុំសាលាខេត្តកំពង់ចាម ក្រុមសមាជិកព្រឹទ្ធសភាប្រចាំភូមិភាគទី២ បានរៀបចំវេទិកាថ្នាក់ក្រុង ស្រុក ក្រោមអធិបតីភាពឯកឧត្តម អ៊ុក ប៊ុនឈឿន ប្រធានក្រុម និងជាប្រធានគណៈកម្មការទី៦ព្រឹទ្ធសភា ដើម្បីសិក្សាស្វែងយល់អំពីតួនាទី ភារកិច្ចរបស់ព្រឹទ្ធសភា ការដោះស្រាយវិវាទក្រៅប្រព័ន្ធតុលាការ តួនាទីរបស់ក្រុមប្រឹក្សា ឃុំ សង្កាត់ ការអនុវត្ត ការអភិវឌ្ឍតាមគោយនយោបាយវិមជ្ឈការ វវិសហមជ្ឈការថ្នាក់មូលដ្ឋាន ការអនុវត្តគម្រោងអភិវឌ្ឍន៍ឃុំ សង្កាត់ និងនីតិវិធីគម្រោងផែនការថវិកា គោលនយោបាយភូមិឃុំមានសុវត្ថិភាព ការផ្តល់សេវាសាធារណៈ និងតម្លៃដែលត្រូវបង់ និងបញ្ហាការងារពាក់ព័ន្ធទៅនឹងគណៈកម្មការពិគ្រោះយោបល់ស្រ្តី និងកុមារ និងបញ្ហាផ្សេងៗ ដោយ មានការអញ្ជើញចូលរួមពីនាយប៉ុស្តិ៍នគរបាលរដ្ឋបាលសង្កាត់ និងក្រុមប្រឹក្សាសង្កាត់ និងស្មៀនសង្កាត់សរុបចំនួន៤៥ មកពីសង្កាត់ មកពីសង្កាត់បឹងកក់ សង្កាត់កំពង់ចាម សង្កាត់សំបូរមាស និងសង្កាត់វាល់វង់។
