នាព្រឹកថ្ងៃទី១៤ ខែសីហា ឆ្នាំ២០១៧ នៅសាលប្រជុំគណៈកម្មការទី៦ព្រឹទ្ធសភា ឯកឧត្តម អ៊ុក ប៊ុនឈឿន ប្រធានគណៈកម្មការទី៦ព្រឹទ្ធសភា បានអញ្ជើញជាអធិបតីភាពក្នុងកិច្ចប្រជុំអន្តរគណៈកម្មការជាមួយតំណាងក្រុមសមាជិកព្រឹទ្ធសភាហត្ថលេខី ដឹកនាំដោយឯកឧត្តម ជា ជេដ្ឋ ប្រធានគណៈកម្មការទី២ព្រឹទ្ធសភា និងជាប្រធានក្រុមការងាររៀបចំព្រាងវិសោធនកម្ម ដើម្បីពិនិត្យ ពិភាក្សាលើសេចក្តីស្នើវិសោធនកម្មបទបញ្ជាផ្ទៃក្នុងព្រឹទ្ធសភា នៃព្រះរាជាណាចក្រកម្ពុជា ដោយមានការអញ្ជើញ ចូលរួមពីសមាជិកសមាជិកាគណៈកម្មការទាំង១០នៃព្រឹទ្ធសភា និងថ្នាក់ដឹកនាំអគ្គលេខាធិការដ្ឋានព្រឹទ្ធសភា។
