នារសៀលថ្ងៃទី១៩ ខែមករា ឆ្នាំ២០១៧ នៅសាលប្រជុំសាលាខេត្តត្បូងឃ្មុំ គណៈប្រតិភូក្រុមសមាជិកព្រឹទ្ធសភាប្រចាំភូមិភាគទី២ ដឹកនាំដោយឯកឧត្តម អ៊ុក ប៊ុនឈឿន ប្រធានក្រុមសមាជិកព្រឹទ្ធសភាប្រចាំភូមិភាគទី២ បានអញ្ជើោញជួបពិភាក្សាការងារជាមួយនឹងអាជ្ញាធរខេត្តត្បូងឃ្មុំ ដឹកនាំដោយឯកឧត្ត លី ឡេង អភិបាលរងខេត្ត ដើម្បីឈ្វេង យល់អំពីវឌ្ឍនភាព ការប្រែប្រួលក្រោយវេទិកាថ្នាក់ស្រុក ស្តីពីលើកកម្ពស់ការផ្តល់សេវាសាធារណៈ ភូមិ ឃុំមានសុវត្ថិភាព នៅមូលដ្ឋាន នាពេលកន្លងមក ផ្តោតសំខាន់ទៅលើការផ្តល់សេវាសាធារណៈ ការងារភូមិឃុំមានសុវត្ថិភាព ការអភិវឌ្ឍមូលដ្ឋាន និងស្តាប់របាយការណ៍អំពីលទ្ធផលនៃការដោះស្រាយបញ្ហាសំខាន់ៗ របស់អាជ្ញាធរខេត្ត ស្រុក មន្ទីរ និងអង្គភាពពាក់ព័ន្ធ បន្ទាប់ពីក្រុមសមាជិក ព្រឹទ្ធសភាប្រចាំភូមិភាគទី២ បានរៀបចំវេទិកាថ្នាក់ស្រុក នៅស្រុកមេមត់ ខេត្តត្បូងឃ្មុំ និងស្វែងយល់បញ្ហា ដែលនៅសេសសល់ពុំទាន់ បានដោះស្រាយជូនប្រជាពលរដ្ឋ។
