ខេត្តបន្ទាយមានជ័យ ÷ នាវេលាម៉ោង២:៣០នាទីរសៀលថ្ងៃទី០៩ ខែធ្នូ ឆ្នាំ២០១៦ នៅសាលាដំបូងខេត្តបន្ទាយមានជ័យ គណៈប្រតិភូគណៈកម្មការនីតិកម្ម និងយុត្តិធម៌នៃព្រឹទ្ធសភា (គណៈកម្មការទី៦ព្រឹទ្ធសភា) ដឹកនាំដោយឯកឧត្តម អ៊ុក ប៊ុនឈឿន ប្រធានគណៈកម្មការ បានអញ្ជើញជួបពិភាក្សាការងារជាមួយតុលាការ អយ្យការ និងមន្ត្រីនគរបាលយុត្តិធម៌ ដេីម្បីស្តាប់អំពីការរាយការណ៍ការអនុវត្តក្រមព្រហ្មទណ្ឌ ក្រមនីតិវិធីព្រហ្មទណ្ឌ ក្រមរដ្ឋប្បវេណី និងក្រមនីតិវិធីរដ្ឋប្បវេណី របស់សាលាដំបូងខេត្តបន្ទាយមានជ័យ និងមន្ត្រីនគរបាលយុត្តិធម៌ ដោយមានការអញ្ជើញចូលរួមពីចៅក្រម ព្រះរាជអាជ្ញា ក្រឡាបញ្ជី និងមន្ត្រីនគរបាលយុត្តិធម៌ ដែលរួមមាន៖ នគរបាល កងរាជអាវុធហត្ថ មន្ត្រីរាជការ និងភ្នាក់ងារសាធារណៈដទៃទៀត ដែលមាននីតិសម្បទា ពិសេសជាមន្ត្រីនគរបាលយុត្តិធម៌ សម្រាប់ពិនិត្យបទល្មើសខាងរដ្ឋបាលព្រៃឈើ ជលផល បសុពេទ្យ បរិស្ថាន កាំកុងត្រូល កាំសាប កិច្ចការនារី គយ ពន្ធដារ ឧស្សាហកម្ម និងសិប្បកម្ម។
