ឯកឧត្តម អ៊ុក ប៊ុនឈឿន អញ្ជើញជួបពិភាក្សាការងារជាមួយអាជ្ញាធរក្រុងសិរីសោភ័ណ ខេត្តបន្ទាយមានជ័យ
ថ្ងៃទី 11 ខែធ្នូ ឆ្នាំ2025
ខេត្តបន្ទាយមានជ័យ៖ នាវេលាម៉ោង០២:៣០នាទីរសៀលថ្ងៃទី០៨ ខែធ្នូ ឆ្នាំ២០១៦ នៅសាលប្រជុំសាលាក្រុងសិរីសោភ័ណ ខេត្តបន្ទាយមានជ័យ គណៈប្រតិភូគណៈកម្មការនីតិកម្ម និងយុត្តិធម៌ព្រឹទ្ធសភា នៃព្រះរាជាណាចក្រកម្ពុជា (គណៈកម្មការទី៦ព្រឹទ្ធសភា) ដឹកនាំដោយឯកឧត្តម អ៊ុក ប៊ុនឈឿន ប្រធានគណៈកម្មការ អញ្ជើញជួបពិភាក្សាការងារជាមួយអាជ្ញាធរក្រុង ដែលដឹកនាំដោយលោក វ៉ៃ កេងលី អភិបាល នៃគណៈអភិបាលក្រុងសិរីសោភ័ណ ដោយមានការចូលរួមពីប្រធានក្រុមប្រឹក្សាក្រុង មន្ត្រីមណ្ឌលសេវាកម្មយុត្តិធម៌ ប្រធាន អនុប្រធាន មន្ត្រីរបស់គណៈកម្មការសុរិយោដី ព្រមទាំងប្រធានការិយាល័យជំនាញ និងមន្ត្រីនគរបាលយុត្តិធម៌ ដែលរួមមាន៖ មន្ត្រីនគរបាល កងរាជអាវុធហត្ថ ដើម្បីសិក្សាឈ្វេងយល់ និងប្រមូលព័ត៌មាន ដែលផ្តោតសំខាន់ទៅលើ របៀបដោះស្រាយវិវាទក្រៅប្រព័ន្ធតុលាការ នៅមណ្ឌលសេវាកម្មយុត្តិធម៌ និងការដោះស្រាយវិវាទផ្សេងៗ ព្រមទាំងចូលរួមអនុវត្តក្រុមព្រហ្មទណ្ឌ និងក្រមនីតិវិធីព្រហ្មទណ្ឌ ការទប់ស្កាត់បទល្មើសព្រហ្មទណ្ឌក្នុងរង្វង់ដែនសមត្ថកិច្ចរបស់ខ្លួននីមួយៗ។
អត្ថបទពាក់ព័ន្ធ
