ឯកឧត្តម ម៉ម ប៊ុននាង ចូលរួមពិធីក្រុងពាលី សូត្រមន្តអង្គកឋិនទានសាមគ្គី នៅវត្តនិគ្រោធធម្មាសុខារាម

នារសៀលថ្ងៃសៅរ៍ ទី២៦ ខែតុលា ឆ្នាំ២០២៤ វេលាម៉ោង១៤:០០នាទី ឯកឧត្តម ម៉ម ប៊ុននាង ប្រធានគណ:កម្មការទី១០ ព្រឹទ្ធសភា បានអញ្ជើញចូលរួមពិធីក្រុងពាលី នមស្ការព្រះរតនត្រ័យ សមាទានសីល និងស្តាប់ព្រះសង្ឃចម្រើនព្រះបរិត្ត និងសម្ដែងធម៌ទេសនា ក្នុងពិធីបុណ្យកឋិនទានសាមគ្គី នៅវត្តនិគ្រោធធម្មាសុខារាម (ហៅវត្តអន្លង់ជ្រៃ) ស្ថិតក្នុងភូមិអន្លង់ជ្រៃ ឃុំច្បារអំពៅ ស្រុកបាធាយ ខេត្តកំពង់ចាម។

អង្គកឋិនទានសាមគ្គីនេះ ផ្តួចផ្តើមបុណ្យដោយឯកឧត្តម អ៊ុច បូររិទ្ធ អនុប្រធានទី២ព្រឹទ្ធសភា រួមជាមួយនឹងក្រុមសមាជិកព្រឹទ្ធសភាប្រចាំភូមិភាគទី២ ព្រមទាំងសប្បុរសជន និងប្រជាពុទ្ធបរិស័ទចំណុះជើងវត្តវត្តនិគ្រោធធម្មាសុខារាម (ហៅវត្តអន្លង់ជ្រៃ)។

---