ឯកឧត្តម ម៉ម ប៊ុននាង និងលោកជំទាវ ប្រគល់ផ្ទះ ៩ល្វែង ដល់មន្ត្រីជំនួយការ អ្នកការពារ និងអ្នកបើកបរ ————————- នាព្រឹកថ្ងៃទី៨ ខែមីនា ឆ្នាំ២០២១ ឆ្លៀតក្នុងឱកាសនៃការរំលឹកខួបលើកទី១១០ ទិវាអន្តរជាតិ នារី ៨មីនា ឆ្នាំ២០២១នេះ ឯកឧត្តម ម៉ម ប៊ុននាង ប្រធានគណៈកម្មការទី១០ និងជាអ្នកនាំពាក្យព្រឹទ្ធសភា និងលោកជំទាវ បានប្រគល់ផ្ទះនៅបុរី ឡេង ណាវ៉ាត់ត្រា ចំនួន ៩ល្វែង ដល់់មន្ត្រីជំនួយការអមគណៈកម្មការទី១០ ព្រឹទ្ធសភា ជំនួយការផ្ទាល់ អ្នកការពារ និងអ្នកបើកបររបស់ឯកឧត្តមផ្ទាល់ ដើម្បីជាការលើកទឹកចិត្ត និងកាត់បន្ថយការចំណាយក្នុងគ្រួសារ ស្ថិតនៅភូមិទំពាំងរំចេក សង្កាត់ចោមចៅ១ ខណ្ឌពោធិ៍សែនជ័យ (ក្បែរផ្លូវវេងស្រេង) រាជធានីភ្នំពេញ។
