នាព្រឹកថ្ងៃអាទិត្យ ទី១៣ ខែមិថុនា ឆ្នាំ២០២១ វេលាម៉ោង៨:៣០នាទី ឯកឧត្តម យ៉ង់ សែម ប្រធានក្រុមសមាជិកព្រឹទ្ធសភាប្រចាំភូមិភាគទី៨ និងជាប្រធានគណៈកម្មការទី១ ព្រឹទ្ធសភា អមដំណើរដោយ ឯកឧត្តម ណយ ស្រូន សមាជិកក្រុមសមាជិកព្រឹទ្ធសភាប្រចាំភូមិភាគទី៨ លោក សាម ណាល់ អភិបាល នៃគណៈអភិបាលស្រុកស្នួល លោក ក្រឹម ម៉ារឌី ប្រធានមន្ទីរមុខងារសាធារណៈ និងជាក្រុមការងារថ្នាក់ខេត្តចុះជួយឃុំឃ្សឹម ព្រមទាំងលោកស្រីមេឃុំ ស្មៀនឃុំ លោកមេភូមិ និងលោកនាយប៉ុស្តិ៍ ឃុំឃ្សឹម បានអញ្ជើញនាំយកនូវទេយ្យទាន និងបច្ច័យមួយចំនួនប្រគេនដល់ព្រះសង្ឃចំនួន៩អង្គគង់នៅវត្តបព្ឋតវនារាម(ហៅវត្តស្រែរនាមខាងជើង) ព្រមទាំងបានជូនបច្ច័យមួយចំនួនដល់លោកអាចារ្យ យាយជី តាជី ស្ថិតនៅឃុំឃ្សឹម ស្រុកស្នួល ខេត្តក្រចេះ។ ទេយ្យទាន និងបច្ច័យទាំងនេះ រួមមាន៖ -អង្ករ១បេ ទឹកផ្លៃឈើ២កេស ទឹកសុទ្ធ២កេស មី២កេស ត្រីខកំប៉ុង២យួរ ម៉ាស់១០០ម៉ាស់ និងបច្ច័យមួយចំនួន ។ -ឯកឧត្តម ណយ ស្រូន សមាជិកក្រុមសមាជិកព្រឹទ្ធសភាប្រចាំភូមិភាគទី៨ រួមមាន៖ អង្ករ១បេ ទឹកសុទ្ធ១កេស មី១កេស ត្រីខកំប៉ុង១យួរ និងបច្ច័យចំនួន២០០,០០០រៀល។ -រដ្ឋបាលស្រុកស្នួលបច្ច័យចំនួន៣០០,០០០រៀល។
