នាព្រឹកថ្ងៃព្រហស្បតិ៍ ២រោច ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៨ ខែកក្កដា ឆ្នាំ២០១៩ ឯកឧត្តម យ៉ង់ សែម ប្រធានគណៈកម្មការទី១ និងឯកឧត្តម ខៀវ មុត អនុប្រធានគណៈកម្មការទី១ ព្រឹទ្ធសភា បានអញ្ជើញចូលរួមប្រជុំត្រៀមលក្ខណៈរៀបចំកិច្ចប្រជុំភាពជាដៃគូសភាអាស៊ី-អឺរ៉ុប លើកទី១១ នាឆ្នាំ២០២០ខាងមុខក្រោមអធិបតីភាព ឯកឧត្តមបណ្ឌិត ងួន ញ៉ិល អនុប្រធានទី១នៃរដ្ឋសភា និងជាប្រធានគណ:កម្មការរៀបចំកិច្ចប្រជុំ ASEP-11។ គោលបំណងនៃកិច្ចប្រជុំនេះ គឺដើម្បីផ្សព្វផ្សាយសេចក្តីសម្រេច និងពិភាក្សាលើការងារមួយចំនួនឲ្យប្រព្រឹត្តទៅដោយរលូន និងជោគជ័យ នៅវិមានរដ្ឋសភាជាតិ។
