ថ្ងៃព្រហស្បតិ៍ ទី0៤ ខែ កុម្ភៈ ឆ្នាំ២០២១ លោកជំទាវ ទី បូរ៉ាស៊ី ប្រធានគណៈកម្មការទី៥ព្រឹទ្ធសភា អមដំណើរដោយលោក ស៊ឺម សុខវិបូរ ប្រធានលេខាធិការដ្ឋានសមាគមសង្គហៈមន្ត្រីរាជការនៃអ.ព.ស. លោកស្រី សៅ ម៉ារ៉ា សមាជិកាអមក្រុមសមាជិកព្រឹទ្ធសភាប្រចាំភូមិភាគទី៣ បានអញ្ជើញចុះសំណេះសំណាលជាមួយលោកលោកស្រីក្រុមប្រឹក្សាឃុំ លោកតាព្រឹទ្ធាចារ្យតាមភូមិ នៃឃុំព្រែកតាទែននិងឃុំពញាឮ នៅសាលាឃុំព្រែកតាទែន ស្រុកពញាឮ ខេត្តកណ្តាល និងមានការចូលរួមពីសំណាក់លោក នុត ប៉ាត តំណាងលោក ថន សុវណ្ណាអភិបាលស្រុកពញាឮ លោកស្រី ឈៀន ចន្ថា លោកប្រាក់ ចន្នី សមាជិកក្រុមប្រឹក្សាស្រុកពញាឮ សរុបចំនួន៣០នាក់ ដោយបានពាំនាំប្រសាសន៍ផ្តាំផ្ញើសាកសួរសុខទុក្ ខរបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា និងណែនាំអំពីការទប់ស្កាត់ជំងឺកូវីត-១៩ ភូមិឃុំមានសុវត្ថិភាព ពិសេសការដុតសំរាមបង្កជាភ្លើងឆេះព្រៃ ផ្ទះ។ល។ បន្ទាប់ពីបានបានស្តាប់របាយការណ៍ សង្ខេបរបស់តំណាង ប្រធានក្រុមប្រឹក្សាឃុំទាំង២ លោកជំទាវបានកោតសរសើរស្នាដៃការងាររបស់រដ្ឋបាលឃុំរយៈពេល២ឆ្នាំកន្លងមក ដោយលើកទឹកចិត្តលោក លោកស្រី ថ្នាក់ដឹកនាំឃុំ បន្តខិតខំបំពេញតួនាទីភារកិច្ចរបស់ខ្លួន ដើម្បីរួមចំណែក រក្សាសន្តិភាពនិង អភិវឌ្ឍប្រទេសជាតិឱ្យរីកចម្រើន ក្រោមការដឹកនាំដ៏ប៉ិនប្រសប់និងម៉ឹងម៉ាត់របស់សម្តេចតេជោ ហ៊ុន សែន ទោះក្នុងវិបត្តិ កូវីដ-១៩ក៏ដោយ។ លោកជំទាវបានឧបត្ថម្ភជូនសមាជិក សមាជិកាក្រុមប្រឹក្សាឃុំនិងស្មៀនឃុំម្នាក់ៗ ថវិកា ២០ ០០០រៀល សារុង១ ជូនលោកតាព្រឹទ្ធាចារ្យតាមភូមិម្នាក់ៗនូវថវិកា ១០ ០០០រៀល ខោអាវ១កំប្លេ និងឧបត្ថម្ភថវិកា១០០ ០០០រៀល សម្រាប់ប្រើប្រាស់ ក្នុងការងាររដ្ឋបាលក្នុងឃុំនីមួយៗ។