ស្ថិតនៅសាលប្រជុំគណៈកម្មការទី៧ ព្រឹទ្ធសភា នាព្រឹកថ្ងៃទី២៩ ខែវិច្ឆិកា ឆ្នាំ២០២២ វេលាម៉ោង៨:០០នាទី ឯកឧត្តមកិត្តិនីតិកោសលបណ្ឌិត ម៉ុម ជឹមហ៊ុយ ប្រធានគណៈកម្មការទី៧ ព្រឹទ្ធសភា និងជាប្រធានក្រុមសមាជិកព្រឹទ្ធសភា ក្រុមទី៤ បានអញ្ជើញដឹនាំកិច្ចប្រជុំផ្ទៃក្នុង ដើម្បីត្រៀមលក្ខណសម្បត្តិគ្រប់គ្រាន់ចូលរួមបទអន្តរាគមន៍ នៅក្នុងសម័យប្រជុំព្រឹទ្ធសភាលើកទី៩ នីតិកាលទី៤ នាពេលខាងមុខ តាមរបៀវារៈដូចខាងក្រោម ៖ I.ស្តាប់បទបង្ហាញរបស់ក្រុមការងារអគ្គនាយកដ្ឋានស្រាវជ្រាវ II.ពិនិត្យពិភាក្សាលើសេចក្តីព្រាងច្បាប់ ៖ ១-ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៣ ២-ស្តីពីការទូទាត់ថវិកាទូទៅរបស់រដ្ឋសម្រាប់ការគ្រប់គ្រងឆ្នាំ២០២១ ៣-ស្តីពីការអនុម័តយល់ព្រមលើ ៖ ១-ពិធីសារទាក់ទងនឹងការធ្វើវិសោធនកម្មអនុសញ្ញាស្តីពីអាកាសចរណ៍ស៊ីវិល អន្តរជាតិ ដោយបន្ថែមមាត្រា៣ស្ទួន ២-ពិធីសារទាក់ទងនឹងការធ្វើវិសោធនកម្មមាត្រា៥០(ក)នៃអនុសញ្ញាស្តីពីអាកាសចរណ៍ស៊ីវិលអន្តរជាតិ ៣-ពិធីសារទាក់ទងនឹងការធ្វើវិសោធនកម្មមាត្រា៥៦នៃអនុសញ្ញាស្តីពីអាកាសចរណ៍ស៊ីវិលអន្តរជាតិ។ III.បញ្ហាផ្សេងៗ។
