នាព្រឹកថ្ងៃទី២៣ ខែតុលា ឆ្នាំ២០២២ នៅក្នុងបរិវេណសាលាស្រុកជលគិរី ខេត្តកំពង់ឆ្នាំង ឯកឧត្តម អ៊ឹង លាងហ៊ួ សមាជិកគណ:កម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៧ រួមជាមួយលោក ម៉ើ សេតសេន និងសហការី ជាមន្ត្រីព្រះ បរមរាជវាំង បាននាំយកស្បៀងជា អំណោយសម្ដេចចៅហ្វាវាំងវរវៀងជ័យអធិបតីស្រឹង្គារ ទៅចែកជូនប្រជាពលរដ្ឋក្នុងឃុំព្រៃគ្រីស្រុកជលគិរីខេត្តកំពង់ឆ្នាំង ដែលរងគ្រោះដោយទឹកទន្លេឡើងលិចផ្ទះចំនួន ២១ គ្រួសារដែលក្នុងមួយគ្រួសារទទួលបានអង្ករ២៥គ.ក្រ ត្រីខកំប៉ុង១យួរ មីជាតិ១កេស ទឹកស៊ីអ៊ីវ១យួរ ទឹកត្រី ១យួរ ថវិកា៥ម៉ឺនរៀល និងឧបត្ថម្ភថវិកាដល់មន្រ្តី ភូមិ ឃុំ ស្រុកចូលរួមមួយចំនួនផងដែរ ។
