នាថ្ងៃអាទិត្យ ទី១៨ ខែកញ្ញា ឆ្នាំ២០២២ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ និងលោកជំទាវ ជាមួយឯកឧត្តម នៅ សំ តំណាងរាស្ត្រមណ្ឌលខេត្តឧត្តរមានជ័យ និងលោកជំទាវ ចូលរួមអមដំណើរដោយលោក អភិបាលស្រុកត្រពាំងប្រាសាទ លោកអធិការស្រុកត្រពំងប្រាសាទ និងលោក ស្រី មេឃុំផ្អាវ លោកមេឃុំត្រពាំងប្រាសាទ និងលោកមេឃុំទំនប់ដាច់ បានទៅចូលរួមជាមួយប្រជាពលរដ្ឋ ជាឧបាសក ឧបាសិកា ចំណុះជើងវត្តចំនួន៣ គឺ១-វត្តផ្អាវ ២-វត្តព្រៃស្អាក និង៣-វត្តទំនប់ដាច់ ស្ថិតក្នុងស្រុក ត្រពាំងប្រាសាទ ខេត្តឧត្តរមានជ័យ ដើម្បីចូលរួមកាន់បិណ្ឌវេនទី៨ ដោយបាននាំយកនូវទេយ្យវត្ថុរួមមាន មានអង្ករ ទឹកសុទ្ធ ទឹកក្រូច ទឹកផ្លែឈើ មី ទឹកត្រី ទឹកស៊ីអ៊ីវ និងថវិកាមួយចំនួនទៅប្រគេនព្រះសង្ឃ ដែលគង់ចាំវស្សា សមាទានសីល អស់មួយត្រីមាស ដើម្បីបង្សុកូលឧទ្ទិសកុសលផលបុណ្យជូនដល់បុព្វការីជន មានជីដូន ជីតា មាតាបិតា បងប្អូនញាតិការទាំងឡាយ ព្រមទាំងឧទិ្ទសកុសលដល់បងប្អូនវីរជន វិរនារីអ្នកស្នេហាជាតិទាំងអស់ ដែលបានពលីជីវិត ដើម្បីការពារជាតិមាតុភូមិ សូមលោកទាំងអស់បានទទួលនូវកុសលផលបុណ្យ នេះបានគ្រប់ៗគ្នា និងបានកើតនៅឋានសុគតិភពកុំបីឃ្លាងឃលាតឡើយ។
