ដោយមានការអញ្ជើញពីប្រធានសមាគមន៍ខ្មែរ-ចិន ខេត្តបន្ទាយមានជ័យ នារសៀលថ្ងៃទី១៧ ខែកញ្ញា ឆ្នាំ២០២២ ឯកឧត្ដម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានចូលរួមស្តាប់ពីរបាយការណ៍អំពីវឌ្ឍនភាពការងារ ចំណុចខ្លាំង ចំណុចខ្សោយ និងបញ្ហាប្រឈម សមាសភាពសមាគមន៍មានលោក លឹម ប៊ូ ប្រធានទីប្រឹក្សាសមាគមន៍ លោក ឆាន់ ម៉ាន់ហេង ប្រធានសមាគមន៍ និងលោក លោកស្រី សមាជិក សមាជិកាសមាគមន៍ លោកនាយក នាយការង លោកគ្រូ អ្នកគ្រូ សាលាផឺឆឹង ក្រុងសិរីសោភ័ណ ក្រោយពីបានស្ដាប់របាយការណ៍រួចមក ឯកឧត្ដម បានចូលរូមមតិខ្លះៗ ១-ការធ្វើផែនការរយៈវែង រយៈមធ្យម ប្រចាំឆ្នាំ ២-គណនេយ្យភាព ៣-តម្លាភាព ៤-ការចូលរួម និងរបៀបធ្វើការវិភាគប្រៀបធៀបឆ្នំាចាស់ ឆ្នាំថ្មី ពីសុចនាករ នឹងចំណុចដៅ ដើម្បីងាយវាយតម្លៃលើចំណុចខ្លាំង ចំណុចខ្សោយ និងបញ្ហាប្រឈម។
