សូមសាធុសប្បុរស ជាពុទ្ធសាសនូបត្ថម្ភគប្បី មេត្តាព្យាយាមរក្សាឲ្យបានធម៌សច្ចៈ ធម៌ខន្តី និងធម៌កតញ្ញូ ដើម្បីបំពេញបាននូវបុណ្យកុសលកាន់តែល្អប្រសើរតរៀងទៅ ធម្មទេសនាថ្ងៃកាន់បិណ្ឌវេណទីមួយ នៅវត្តបុទុមវតី រាជធានីភ្នំពេញ នារសៀលថ្ងៃសៅរ៍ ទី១០ ខែកញ្ញា ឆ្នាំ២០២២ ដោយបានការអនុញ្ញត្តិ និងប្រសាសន៍ណែនាំឯកឧត្តមប្រធានគណៈកម្មការទី៧ ព្រឹទ្ធសភា ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា បានអញ្ជើញចូលរួមក្នុងពិធីកាន់បិណ្ឌតាមប្រពៃណី និងគន្លងព្រៈពុទ្ធសាសនាវេណទីមួយ ក្រោមអធិបតីភាពលោកជំទាវបណ្ឌិត សោម គឹមសួគ៌ អគ្គសវនាករ នៃអាជ្ញាធរសវនកម្មជាតិ។ បន្តចូលរួមពិធីរាប់បាត្រ និងសូមគោរពបួងសួងវិញ្ញាណក្ខ័ន្ធវីរបុព្វបុរស ដែលធ្វើពលិកម្មសព្វបែបយ៉ាង ដើម្បីបុព្វហេតុរំដោះជាតិមាតុភូមិ ឲ្យមានសន្តិភាព និងការអភិវឌ្ឍនចំរើនរុងរឿងរហូតដល់បច្ចប្បន្ន។
