ឯកឧត្តម អ៊ឹង លាងហ៊ួ បានជួបសំណេះសំណាលជាមួយ ក្រុម ប្រឹក្សាឃុំព្រៃគ្
ថ្ងៃទី 3 ខែសីហា ឆ្នាំ2024
នារសៀល ថ្ងៃទី៣០ ខែកក្កដា ឆ្នាំ២០២២ នៅសាលាឃុំព្រៃគ្រី ស្រុកជលគិរី ខេត្តកំពង់ឆ្នាំង ឯកឧត្តម អ៊ឹង លាងហ៊ួ សមាជិកក្រុមសមាជិកព្រឹទ្ធសភា ប្រចាំភូមិភាគទី៧ និងជាសមាជិកគណ:កម្មការទី៧ ព្រឹទ្ធសភា រួមជាមួយលោកអភិបាលស្រុក សមាជិកក្រុមប្រឹក្សាស្រុក បានជួបសំណេះសំណាលជាមួយ ក្រុម ប្រឹក្សាឃុំព្រៃគ្រី។ បន្ទាប់ពីបានស្ដាប់របាយការណ៍ការងាររបស់លោកស្រីមេឃុំរួចមក ឯកឧត្តមបានសម្តែងការកោតសរសើរ ចំពោះការបំពេញភារកិច្ចរបស់ក្រុមប្រឹក្សាឃុំ ចាប់ពីប្រកាសសុពលភាពរួចមក។ ឯកឧត្តមបានសំណូមពរសុំឲ្យបន្តរក្សាសាមគ្គីភាព អនុវត្តការងារតាមបទបញ្ជាផ្ទៃក្នុង តាមច្បាប់ ស្ដីពីការគ្រប់គ្រងរដ្ឋបាលឃុំសង្កាត់ អនុវត្តគោលនយោបាយភូមិឃុំមានសុវត្ថិភាព ខិតខំដោះស្រាយសំណូមពរ និងតម្រូវការរបស់ប្រជាពលរដ្ឋ ជម្រុញការចាក់វ៉ាក់សាំងប្រឆាំងកូវីដ-១៩ និងការរស់នៅក្នុងគន្លងថ្មី ព្រមទាំងរៀបចំបរិស្ថានសាលាឃុំឲ្យមានសោភណភាព និងអនាម័យល្អ។ ឯកឧត្តមបានឧបត្ថមថវិកាមូយចំនួនដល់មណ្ឌលសុខភាពព្រៃគ្រីសម្រាប់ធ្វើរបង និងសាលាបឋមសិក្សាព្រៃគ្រីត្បូងសម្រាប់កែលម្អបរិស្ថាន។
