ព្រឹកថ្ងៃសុក្រ ២រោច ខែជេស្ឋ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី២៨ ខែឧសភា ឆ្នាំ២០២១ ឯកឧត្តម ម៉ុម ជឹមហ៊ុយ ប្រធានគណៈកម្មការទី៧ និងជាអនុប្រធានក្រុមសមាជិកព្រឹទ្ធសភា ប្រចាំភូមិភាគទី១ អមដំណើរដោយឯកឧត្តម ម៉ាន់ ឈឿន អនុប្រធានគណៈកម្មការទី៧ លោកជំទាវ មុំ សណ្តាប់ លេខាធិការគណៈកម្មការទី៨ ព្រឹទ្ធសភា បានអញ្ជើញចុះជួបសំណេះសំណាល និងសួរសុខទុក្ខសមាជិកក្រុមប្រឹក្សារាជធានីភ្នំពេញ ដើម្បីស្តាប់របាយការណ៍ អំពីវឌ្ឍនភាពការងារ បញ្ហាប្រឈម និងទិសដៅអនុវត្តន៍បន្ត។ បន្ទាប់ពីបានស្តាប់របាយការណ៍ ឯកឧត្តម បានថ្លែងកោតសរសើរ និងផ្តល់នូវអនុសាសន៍មួយចំនួនដូចជា ៖ ១-ត្រូវចេះប្រែក្លាយការលំបាក ឱ្យទៅជាឱកាស ចុះទៅធ្វើផ្ទាល់ជាមួយប្រជាពលរដ្ឋតាមរយៈការងារសង្គម ដើម្បីពង្រឹងជំនឿមកលើការដឹកនាំរបស់រាជរដ្ឋាភិបាល ២-ចាត់ចែងជំនួយរបស់រាជរដ្ឋាភិបាល និងសប្បុរសជនឱ្យបានដល់អ្នកខ្វះខាតពិតប្រាកដ ៣-បន្តផ្សព្វផ្សាយ និងអប់រំប្រជាពលរដ្ឋចូលរួមចាក់វ៉ាក់សាំងឱ្យបានគ្រប់គ្នាតាមគោលការណ៍ស័្មគ្រចិត្ត ៤-បន្តអនុវត្តន៍គោលនយោបាយភូមិ-សង្កាត់មានសុវត្ថិភាព ឱ្យមានប្រសិទ្ធភាពខ្ពស់ ដើម្បីឈានទៅរកដំណើរការការបោះឆ្នោតឃុំ-សង្កាត់នាពេលខាងមុខ និង ៥-បន្តគោរពតាមការណែនាំរបស់ក្រសួងសុខាភិបាល និងសម្តេចតេជោនាយករដ្ឋមន្រ្តី នូវវិធានការ ៣កុំ ៣ការពារ និងប្រកាន់ខ្ជាប់ការរស់នៅតាមបែបគន្លងថ្មី៕
