នៅព្រឹកថ្ងៃទី០១ ខែមីនា ឆ្នាំ២០២១ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមប្រជុំ ក្រោមអធិបតីភាពឯកឧត្តមទេសរដ្ឋមន្រ្តី គន់ គីម ដើម្បីជួបពិភាក្សាពិគ្រោះ យោបល់ជាមួយក្រុមប្រឹក្សាស្រុក សង្កាត់ និងភូមិ មេប៉ុស្តិ៍សង្កាត់ ទូទាំងស្រុកបន្ទាយអំពិល ដើម្បីក្តាប់អំពីការលំបាក និងសំណូមពរ ដែលរដ្ឋអំណច ស្រុក ឃុំ បានដោះស្រាយជូនប្រជាពលរដ្ឋនៅមូលដ្ឋាននាពេលកន្លងមក។ ក្នុងឱកាសនោះ ឯកឧត្តមប្រធាន បានផ្តល់នូវអនុសាសន៍មួយចំនួន ក្នុងការផ្តល់សេវាសាធារណៈជូនប្រជាពលរដ្ឋដោយតម្លាភាព និងគុណភាព ពិសេសត្រូវគោរពតាមគោលការណ៍ ៣កុំ និង៣ការពារផងដែរ ស្ថិតនៅសាលប្រជុំសាលាស្រុកបន្ទាយអំពិល ខេត្តឧត្តរមានជ័យ។
