នាព្រឹកថ្ងៃព្រហស្បតិ៍ ទី២៩ ខែតុលា ឆ្នាំ ២០២០ ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៤ បានអញ្ជើញចុះសួរសុខទុក្ច និងចែកអំណោយរបស់លោក អុិន ជំនោរ និងលោកស្រី ប្រធានអង្គការកម្ពុជានៃក្ដីសង្ឃឹម និងជាអគ្គនាយកសាលាសេហ្វហេវិនជូនប្រជាពលរដ្ឋ ដែលរងផលប៉ះពាល់ដោយទឹកជំនន់នៅឃុំទួលពង្រ ស្រុក ម៉ាឡៃ ខេត្ត បន្ទាយមាជ័យ ចំនួន ១០០គ្រួសារ ចូលរួមជាមួយមាន លោកជំទាវ ប៉ុក ណាឌី អភិបាលរងខេត្ត ឯកឧត្តម ស្រេង សុផល សមាជិកក្រុមប្រឹក្សាខេត្តជាអនុប្រធាន ក្រុមយុវជន សសយកខេត្ត លោក អែម សុខា អភិបាលស្រុក សមាជិកក្រុមប្រឹក្សាស្រុក កងកំលាំងសម្ថកិច្ចក្នុងស្រុក លោកមេឃុំ ក្រុមប្រឹក្សាឃុំ ក្រុមយុវជន សសយក ខេត្ត ស្រុក។ អំណោយក្នុង១គ្រួសារៗមាន : – អង្ករ ២០ គីឡូក្រាម -ទឹកត្រី ៦ដប -ទឹកសុីអុីវ ៦ដប -មុង ១ -កន្ទេល ១ -កំសៀវដាំទឹក ១ -ធុងទឹកចំណុះ ៦០លីត ១ ។
