ថ្ងៃសុក្រ ទី៤ ខែកញ្ញា ឆ្នាំ២០២០ វេលាម៉ោង១៦:១០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានចូលរួមប្រជុំជាមួយប្រធានភូមិទាំង១៣ និងក្រុមប្រឹក្សាសង្កាត់ទឹកល្អក់ទី២ ខណ្ឌទួលគោក រាជធានីភ្នំពេញ សំណូមពរ អជ្ញាមូលដ្ឋានបង្កើនវិធានការបង្ការប្រយុទ្ធប្រឆាំងមេរោគកូវីដ-១៩ ដោយប្រុងប្រយ័ត្នបំផុត គឺត្រូវសម្របសម្រួលឲ្យបានព្រមគ្នានូវការណែនាំរបស់ក្រសួងសុខាភិបាលនិងក្រសួងធម្មការក៏ដូចជាភារកិច្ចការពារសន្តិសុខសណ្តាប់ធ្នាប់សាធារណៈក្នុងពិធីបុណ្យភ្ជុំបិណ្ឌទាំងក្នុងបរិវេណវត្តអារាមនិងទីសាធារណៈនានាជូនបងប្អូនប្រជាពលរដ្ឋ។
