នារសៀលថ្ងៃពុធ ១៥កើត ខែភទ្របទ ព.ស២៥៦៤ ត្រូវនឹងថ្ងៃទី២ ខែ កញ្ញា ឆ្នាំ២០២០ យោងប្រសាសន៍ណែនាំរបស់ឯកឧត្តមប្រធានគណៈកម្មការ ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា បានអញ្ជើញចូលរួមពិធីកាន់បិណ្ឌវេនទី១ វត្តបទុមវតី ប៉ែកខាងជើង ស្ថិតនៅសង្កាត់ចតុមុខ ខណ្ឌដូនពេញ រាជធានីភ្នំពេញ ដើម្បីឧទ្ទិសកុសលជូនដល់ដួងវិញ្ញាណក្ខន្ធ បុព្វការីជន ញាតិមិត្តជិតឆ្ងាយ កម្មាភិបាល យុទ្ធជន យុទ្ធនារី ដែលបានពលីជីវិតដើម្បីបុព្វហេតុជាតិមាតុភូមិ ឲ្យទទួលបានសុខសន្តិភាពពេញផ្ទៃប្រទេស នឹងបន្តថែរក្សាការពារសន្តិភាពដ៏សុខដុមរមនានេះឲ្យបានស្ថិតស្ថេរគង់វង្សជានិច្ចតរៀងទៅ។
