ថ្ងៃចន្ទ ទី២៤ ខែសីហា ឆ្នាំ២០២០ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្តម សួន លន់ អនុប្រធានក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្តម សត ណាឌី សមាជិកក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្តម ហុង ទូហាយ ទីប្រឹក្សាសម្តេចប្រធានព្រឹទ្ធសភា អមដំណើរដោយលោកអភិបាលស្រុកស្វាយលើ ខេត្តសៀមរាប ចុះជួបសំណេះសំណាល និងសួសុខទុក្ខលោកមេឃុំ សមាជិកក្រុមប្រឹក្សាឃុំ ប្រធានភូមិ និងស្តាប់សេចក្តីរាយការណ៍អំពី ការងារបំរើសេវាសាធារណៈ ការងារសន្តិសុខ ពិសេសការងារជួយប្រជាពលរដ្ឋក្រីក្រក្នុងស្ថានភាពជំងឺកូវីដ-១៩នេះ។ ឯកឧត្តម បានលើកទឹកចិត្តដល់អាជ្ញាធរគ្រប់លំដាប់ថ្នាក់ ដែលបានខិតខំបំពេញការងារផ្តល់សេវាសាធារណៈជូនប្រជាពលរដ្ឋ។ នាឱកាសនោះ ឯកឧត្តមបានឧបត្ថម្ភជូនវត្ថុកំដរដែ និងថវិការមួយចំនួនផងដែរ។
