ឯកឧត្តម ម៉ាន់ ឈឿន អនុប្រធានគណៈកម្មការទី៧ព្រឹទ្ធសភា បានអញ្ជើញដាក់កម្រងផ្កាគោរពវិញ្ញាណក្ខន្ធសព មហាឧបាសិកា តោ សេងគី(តោ ឡោ)
ថ្ងៃទី 10 ខែមករា ឆ្នាំ2024
នារសៀលថ្ងៃចន្ទ ១២កើត ខែបុស្ស ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី៦ ខែមករា ឆ្នាំ២០២០ គណៈប្រតិភូព្រឹទ្ធសភា ដឹកនាំដោយឯកឧត្តម ម៉ាន់ ឈឿន អនុប្រធានគណៈកម្មការទី៧ព្រឹទ្ធសភា បានអញ្ជើញដាក់កម្រងផ្កាគោរពវិញ្ញាណក្ខន្ធសព មហាឧបាសិកា តោ សេងគី(តោ ឡោ) ត្រូវជាម្តាយបង្កើតរបស់ឯកឧត្តមនាយសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទ ដែលបានទទួលមរណភាព កាលពីថ្ងៃសៅរិ៍ ទី៤ ខែមករា ឆ្នាំ២០២០ វេលាម៉ោង០១:០១នាទីរំលងអាត្រាត ក្នុងជន្មាយុ៩៤ឆ្នាំ ដោយរោគាពាធ។
សពមហាឧបាសិកា តោ សេងគី(តោ ឡោ) ត្រូវបានតម្កល់ទុកធ្វើបុណ្យទក្ខិណានុប្បទានតាមប្រពៃណីព្រះពុទ្ធសាសនា នៅគេហដ្ឋាន នាយឧត្តមសេនីយ៍ ឥត សារ៉ាត់ ស្ថិតនៅផ្ទះលេខ៣៨ ផ្លូវ១២២ សង្កាត់មិត្តភាព ខណ្ឌ៧មករា រាជធានីភ្នំពេញ៕
