នាព្រឹកថ្ងៃពុធ ៦រោច ខែស្រាពណ៍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី២១ ខែសីហា ឆ្នាំ២០១៩ គណៈកម្មការអប់រំ យុវជន កីឡា ធម្មការ សាសនា វប្បធម៌វិចិត្រសិល្បៈ និងទេសចរណ៍ នៃព្រឹទ្ធសភា (គណៈកម្មការទី៧) ដឹកនាំដោយឯកឧត្តម ម៉ុម ជឹមហ៊ុយ ប្រធានគណៈកម្មការ បានអញ្ជើញចុះជួបពិភាក្សាការងារជាមួយនឹងអាជ្ញាធរជាតិសំបូរព្រៃគុក ដើម្បីឈ្វេងយល់ ប្រមូលព័ត៌មាន ការអនុវត្តការងារ និងបញ្ហាប្រឈមនានារបស់អាជ្ញាធរជាតិ សំបូរព្រៃគុក នៅនាយកដ្ឋាន សណ្តាប់ធ្នាប់ អាជ្ញាធរជាតិ សំបូរព្រៃគុក ស្ថិតនៅភូមិសំបូរ ស្រុកប្រាសាទសំបូរ ខេត្តកំពង់ធំ។
