នាថ្ងៃសុក្រ ៤កើត និងថ្ងៃសៅរ៍ ៥កើត ខែអាសាឍ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី៥-៦ ខែកក្កដា ឆ្នាំ២០១៩ ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា បានអញ្ជើញចូលរួមជាវាគ្មិនក្នុង សិក្ខាសាលាស្តីពីសហគមន៍ អាស៊ានក្នុងភាពជាដៃគូ ដើម្បីអភិវឌ្ឍន៌លំនៅដ្ឋានជូនសហគមន៌អ្នកក្រីក្រក្នុងទីក្រុង នៅទីក្រុងបាងកកព្រះរាជាណាចក្រថៃ។ នៅពេលនោះឯកឧត្តម បង្ហាញបទពិសោធន៍ល្អៗដែលនាំមកនូវជោគជ័យជាបន្តបន្ទាប់ក្នុងការអនុវត្តគោលនយោបាយជាយុទ្ធសាស្ត្រក្នុងការកាត់បន្ថយភាពក្រីក្រនៅព្រះរាជាណាចក្រកម្ពុជា ស្របតាមគោលដៅអភិវឌ្ឍន៍សហស្សវត្សរ៍ និងបន្តមកគោលដៅអភិវឌ្ឍន៍ ប្រកបដោយចីរភាពរបស់អង្គការ សហប្រជាជាតិផ្តោតលើអាទិភាព គោលនយោបាយអភិវឌ្ឍន៍លំនៅដ្ឋានជូនបងប្អូននៅក្នុងសហគមន៍អ្នកក្រីក្រជូនដល់ប្រទេសនានាដែលបានចូលរួមក្នុងអង្គវេទិការ។
