នាព្រឹកថ្ងៃអង្គារ ១កើត ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២ ខែកក្កដា ឆ្នាំ២០១៩ នៅសាលប្រជុំគណៈកម្មការទី៧ព្រឹទ្ធសភា ឯកឧត្តម ម៉ុម ជឹមហ៊ុយ ប្រធានគណៈកម្មការទី៧ព្រឹទ្ធសភា និងជាប្រធានក្រុមសមាជិកព្រឹទ្ធសភា ក្រុមទី៤ បានអញ្ជើញជាអធិបតីភាពក្នុង ដើម្បីពិនិត្យ សិក្សាលើរបៀបវារៈ៖ ១-ការអនុម័តយល់ព្រមលើការធានាទូទាត់របស់រដ្ឋាភិបាលនៃព្រះរាជាណាចក្រកម្ពុជា ឱ្យក្រុមហ៊ុនអេសភីអេចភី (ខេមបូឌា) ឯ.ក។ ២-ការអនុម័តយល់ព្រមលើការធានាទូទាត់របស់រដ្ឋាភិបាល នៃព្រះរាជាណាចក្រកម្ពុជាឱ្យក្រុមហ៊ុន ស្នេកថេក រីញូវេប៊ល ឯ.ក។ ៣-ការអនុម័តយល់ព្រមលើការធានាទូទាត់របស់រដ្ឋាភិបាល នៃព្រះរាជាណាចក្រកម្ពុជាឱ្យក្រុមហ៊ុន ស្នេកថេក ខូអិលធីឌី។ ៤-ការអនុម័តយល់ព្រមឱ្យព្រះរាជាណាចក្រកម្ពុជាចូលជាសមាជិក នៃកិច្ចព្រមព្រាងស្ដីពីវិធានការរដ្ឋម្ចាស់កំពង់ផែ ដើម្បីទប់ស្កាត់ និងការលប់បំបាត់ការនេសាទខុសច្បាប់គ្មានរបាយការណ៍ និងគ្មានការអនុញ្ញាត។ ៥-ការអនុម័តយល់ព្រមលើផែនការយុទ្ធសាស្រ្ដអភិវឌ្ឍន៍ជាតិ២០១៩-២០២៣។
