នាព្រឹកថ្ងៃព្រហស្បតិ៍ ១៤រោច ខែកត្តិក ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី៦ ខែធ្នូ ឆ្នាំ២០១៨ ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី១ បានអញ្ជើញចូលជាមួយ ឯកឧត្តម ម៉ប់ សារិន ប្រធានក្រុមប្រឹក្សារាជធានី និងឯកឧត្តម ស៊ុយ សារិទ្ធ តំណាង ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ក្នុងវេទិកាផ្សព្វផ្សាយ និងពិគ្រោះយោបល់ជាមួយអភិបាលខណ្ឌដង្កោ ចៅសង្កាត់ទាំង១៣ លោកមេភូមិ និងប្រជាពលរដ្ឋសរុប៥៨១នាក់ ស្រី១០៣នាក់ នៅខណ្ឌដង្កោ រាជធានីភ្នំពេញ ដែលមានរបៀបវារៈចំនួន៣គឺ១•សន្តិសុខសណ្តាប់ធ្នាប់សង្គម២•ការងារអភិវឌ្ឍន៍មូលដ្ឋាន៣•ការងារបរិស្ថាន
